// May 27th, 2010 // 3 Comments » // General, Running
Ang Nature Valley Run ay gaganapin ngayong darating na Linggo, ika-30 ng Mayo. Ito na ang ika-limang numero na aking susuutin sa taong ito. Hindi ko akalain na mahihilig ako sa pagtakbo at magnanais na balang araw ay magawa kong makatapos sa isang full marathon.
Ito ang aking lahok sa Linggo ng Numero o Bilang ng Litratong Pinoy. Maligayang Huwebes mga ka-LP!
// March 25th, 2010 // 8 Comments » // General
Ang lollipop ay pangkaraniwang naia-associate sa bata ngunit hindi ba’t ito’y masarap din namang balik-balikan kahit na ngayong tayo’y… hindi na masyadong bata? :D
Ngunit ang paalalang idispatsa ang balat sa tamang tapunan ay isang paalalang hindi lamang sa bata ngunit maging sa dating bata.
–
Ito ang aking lahok sa Linggo ng Plastic ng Litratong Pinoy. Maligayang Huwebes!
// March 4th, 2010 // 9 Comments » // General
Dalawa sa mga prominenteng kulay na ating maiisip kapag binanggit ang salitang kalikasan ay ang luntian at bughaw. Tunay naman kasing masarap sa paningin ang dalawang kulay na ito bukod pa sa maginhawang pakiramdam na naidudulot ng kalikasan.
Nakalulungkot lamang na unti-unti na itong nasisira dahil sa kakulangan natin ng pagpapahalaga. Sana ay sapat pa ang panahon at aksyon upang mailigtas ito at kasiyahan din ng susunod na henerasyon.
–
Ito ang aking lahok sa Linggo ng Kalikasan ng Litratong Pinoy. Maligayang Huwebes!
// February 25th, 2010 // 20 Comments » // General
Ngayong araw na ito ay muling ginugunita nating mga Pilipino ang anibersaryo ng mapayapang rebolusyon na nagtampok sa atin sa buong mundo – ang Edsa People Power ng 1986.
Maraming mga personalidad ang nakilala dahil dito at isa dito ay ang namayapang pangulong Cory Aquino. Malaki ang kanyang naiambag upang muling makamit ang demokrasya, ngunit ang EDSA ay para sa lahat ng Pilipino na patuloy na nagpapakita ng husay at talino upang makamit ang mas mabuting bansa at pamahalaan.
–
Ito ang aking lahok sa Linggo ng Husay ng Litratong Pinoy. Maligayang Huwebes mga ka LP!
// February 5th, 2010 // No Comments » // General
Malimit nating nasasa-isang-tabi ang mga bagay na nakabubuti sa ating katawan gaya ng: pagkain ng gulay, pagtulog ng sapat, at page-ehersisyo. Minsan ay maiisipan nating gawin ang mga ito sa panahong nagsisimula na tayong makaramdam ng samu’t saring problema sa katawan. Ngunit ako ay naniniwala na huli man ay makakahabol pa rin.
Kaya napagpasiyahan kong sumali sa isang marathon sa darating na Linggo kasama ang ilang kaibigan. Ito ay isang takbo para sa kapakinabangan ng mga dolphins at ako ay tatakbo suot ang aking bilang – 10206.
–-
Ito ang aking lahok sa Linggo ng Akin ng Litratong Pinoy. Maligayang weekend!
// January 28th, 2010 // 2 Comments » // General
Isa sa mga puntod sa The Lost Cemetery ng lungsod ng Baguio ay may mga katagang “Why Dident I?” Isang nilalang na nabuhay ng may pagtatanong at namatay ng walang kabuluhan.
Ang pag-aalinlangan ay isa sa mga ugaling lumilimita sa ating pagkatao. Hindi masama ang maging maingat ngunit kailangan din naman nating makipagsapalaran. Hanapin ang tamang timpla at ating pagsumikapang maatim ang ating mga balak.
–
Ito ang aking lahok sa Linggo ng Balak ng Litratong Pinoy. Maligayang Huwebes!
// January 7th, 2010 // No Comments » // General
Makapal na make-up. Makapal na costume. Makapal na mukha. Iyan ang mga bagay na dapat ay mayroon ka kung nais mong sumapi bilang isa sa mga kinatawan sa taunang Aliwan Fiesta.
Unang beses ko itong nasaksihan at agad kong nakita na hindi biro ang maging participant dito. Kailangan mong tiisin ang init ng araw at pagbabanta ng ulan habang patuloy na ngumingiti sa harap ng manonood.
Dahil dito, ako ay nagbibigay pugay sa lahat ng kabahagi ng event na ito. Salamat sa isang magandang pagtatanghal.
–
Ito ang aking lahok sa Linggo ng Makapal ng Litratong Pinoy. Maligayang Huwebes!
// December 31st, 2009 // No Comments » // General
Katatapos lamang ng Pasko at bukas naman ay bagong taon na. Sa dami marahil ng mga pagtitipon na inyong nadaluhan, hindi malayong nadagdagan ang inyong timbang. Maari ninyo itong tignan bilang problema o tignan bilang pagpapala. Ipagpasalamat na mayroon kayong pagkakataon upang kainin ang nais ninyong kainin. Ipagpasalamat ang pagkakataong itama ang mga pagkakamali. Ipagpasalamat na may pagkakataon upang simulan ang pagpapabuti sa sarili.
Kung wala kang maisip na bagay na ipagpapasalamat, marahil ay mali ang inyong tinitignan.
–
Ito ang aking lahok sa Linggo ng Pasasalamat ng Litratong Pinoy. Maligayang Huwebes!
// December 10th, 2009 // 12 Comments » // General
Sa dami ng mga Pilipinong nangingibang bansa para maibsan ang kahirapan ng kani-kanilang pamilya, marahil ay masasabi nating bawat isang pamilyang Pilipino ay may isang kamag-anak na malayo ngayong Pasko. Higit marahil sa isang masaganang pagdiriwang, ang bawat isa sa kanila ay nagnanais na sana ay kumpleto ang kanilang pamilya sa araw na iyon.
Kaya’t lubos kong ipinagpapasalamat na ang kahilingang ito ay magiging totoo para sa aming pamilya. Matapos ang dalawang Pasko na nagdaan ay muling mabubuo ang aming pamilya.
—
Ito ang aking lahok sa Linggo ng Hiling ng Litratong Pinoy. Maligayang Huwebes!
// December 3rd, 2009 // 10 Comments » // General
Noon lamang isang linggo ay itinanghal ang isang Pilipino, si Efren Penaflorida Jr.; bilang Bayani ng Taon (Hero of the Year) ng CNN ngayong 2009.
Siya at ang kanyang samahang Dynamic Teen Company ay nagtutulak ng kariton buong araw ng Sabado upang turuan ang mga paslit sa lansangan ng literacy and proper hygiene.
Payak man ang kanilang kagamitan, isang malaking inspirasyon naman ito hindi lamang sa ating mga Pilipino ngunit maging sa buong mundo.
Sa kanyang talumpati ay kanyang sinabi na lahat tayo ay may natutulog na bayani sa ating puso. Kailangan lamang natin itong ilabas at maging bayani sa isang nangangailangan.
Ito nawa ang maging hudyat ng mas maraming Pilipino na maging adhikain ang tunay na paglilingkod.
—
Ito ang aking lahok sa Linggo ng Hudyat ng Litratong Pinoy. Maligayang Huwebes!
